تخطى إلى المحتوى

حلقات الفينو

حلقات الفينو المحشية

    1- سخني الزيت في حلة وشوحي فيها اللحمة المفرومة وقلبيها لغاية ما يتغير لونها وتشرب ميتها، وضيفي عليها البصل والثوم وقلبيهم مع بعض لغاية ما البصل يدبل.
    2- ضيفي البهارات والبابريكا والكزبرة والكمون على اللحمة، وتبليها بكمية ملح وفلفل مناسبة، وحطيها بعد كده في طبق علشان تبرد شوية.
    3- حطي الطماطم والبقدونس والجبنة على اللحمة، واكسري بعد كده البيضة عليهم واخلطيهم مع بعض كويس.
    4- قطعي الفينو نصين بالطول وفرغيهم شوية من اللبابة علشان تعملي زي حفرة تقدري تحطي فيها الحشوة.
    5- احشي نص الرغيف اللي فرغتيه بكمية مناسبة من خليط اللحم وحطي فوقيه النص التاني، وادهنيه بعد كده من فوق بالزبدة، وممكن ترشي كمان عليه شوية زعتر أو أي نوع جبنة، وبعد كده لفي رغيف الفينو بورق فويل ودخليه في الفرن على درجة حرارة 180 درجة مئوية لمدة 15 دقيقة.
    6- قطعي الفينو على شكل حلقات سميكة وقدميه في أطباق التقديم مع بطاطس محمرة وسلطة كول سلو.. وبالهنا والشفا.