الرئيسية » الطبخ و المطبخ » حلقات الفينو المحشية

حلقات الفينو المحشية

[ing]

عيش فينو كبير حسب العدد

½ كيلو لحمة مفرومة (ممكن تستخدمي سوسيس أو فراخ)

ثمرة طماطم منزوعة البذر ومقطعة مكعبات

بصلة متوسطة مقطعة مكعبات صغيرة

كوب جبن شيدر أو رومي مبشور

ملعقة صغيرة كزبرة مطحونة

¼ كوب بقدونس مفروم

ملعقة صغيرة بهارات

ملعقة صغيرة بابريكا

ملعقة صغيرة كمون

زبدة مذابة للدهن

2 فص ثوم مفروم

ملعقة كبيرة زيت

ملح وفلفل أسود

بيضة

[/ing] [pre]

1- سخني الزيت في حلة وشوحي فيها اللحمة المفرومة وقلبيها لغاية ما يتغير لونها وتشرب ميتها، وضيفي عليها البصل والثوم وقلبيهم مع بعض لغاية ما البصل يدبل.

2- ضيفي البهارات والبابريكا والكزبرة والكمون على اللحمة، وتبليها بكمية ملح وفلفل مناسبة، وحطيها بعد كده في طبق علشان تبرد شوية.

3- حطي الطماطم والبقدونس والجبنة على اللحمة، واكسري بعد كده البيضة عليهم واخلطيهم مع بعض كويس.

4- قطعي الفينو نصين بالطول وفرغيهم شوية من اللبابة علشان تعملي زي حفرة تقدري تحطي فيها الحشوة.

5- احشي نص الرغيف اللي فرغتيه بكمية مناسبة من خليط اللحم وحطي فوقيه النص التاني، وادهنيه بعد كده من فوق بالزبدة، وممكن ترشي كمان عليه شوية زعتر أو أي نوع جبنة، وبعد كده لفي رغيف الفينو بورق فويل ودخليه في الفرن على درجة حرارة 180 درجة مئوية لمدة 15 دقيقة.

6- قطعي الفينو على شكل حلقات سميكة وقدميه في أطباق التقديم مع بطاطس محمرة وسلطة كول سلو.. وبالهنا والشفا.

[/pre]

اترك تعليقاً

لن يتم نشر عنوان بريدك الإلكتروني.